வேகம் கருதி வைக்கப்பட்ட
பெரிய பாய்மரத்தால்,
காமக் காற்றில்
இப்படகு தடுமாறுகின்றது.
இறைவா,
தடுமாற்றம் என்பதும்
உனது கருணையே
தறியின் தடுமாற்றம் - நெசவு;
மத்தின் தடுமாற்றம் - வெண்ணெய்;
மனதின் தடுமாற்றம் - ஞானம்.
ஞானத்திற்கு முன்பு
வேண்டாமே மரணம்.
தடுமாற்றம் தவறில்லைதான்
ஆனால் திசைமாற்றம்?
இன்றைய அவசரத் தேவை
ஒரு நங்கூரம்;
தடுமாற்றம் குறைக்க.
நாளைய அவசியத் தேவை
ஒரு சுக்கான்;
திசைமாற்றம் தடுக்க.
Saturday, March 15, 2008
குப்பைக்குள் மாணிக்கம்
பெருகிய வக்கிரங்களால்
மனமெலாம் குப்பைகள்
மாணிக்கம் எடுக்க
குப்பைக்குள் எறிந்தாய்
மின்னும் மாணிக்கம்
கையிலே உள்ளது;
சுவாசப்பைகளோ
மலங்களால் நிறைந்தது.
கண்கள் இருள,
கைப்பொருள் நழுவிடுமோ?
இறைவா
இது வெற்றியா,
இல்லை தோல்வியா
உனக்கு?
மனமெலாம் குப்பைகள்
மாணிக்கம் எடுக்க
குப்பைக்குள் எறிந்தாய்
மின்னும் மாணிக்கம்
கையிலே உள்ளது;
சுவாசப்பைகளோ
மலங்களால் நிறைந்தது.
கண்கள் இருள,
கைப்பொருள் நழுவிடுமோ?
இறைவா
இது வெற்றியா,
இல்லை தோல்வியா
உனக்கு?
குண்டுச் சட்டிப் பயணம்
கண்ணடைப்பு வேண்டுவது
குதிரைக்கு மட்டுமல்ல;
ஓட்டுபவனுக்கும்தான்.
எனவே
இவனை
குண்டுச் சட்டிக்குள் அடை.
பழுதில்லை
இப்பயணத்தில் தேவை
வேகமே; தூரம் அல்ல.
இவனைக் கூட்டுப் புழுவாக்கு
மாற்றம் பெறும்வண்ணம்.
மாற்றம் பெறும் வண்ணம்;
மாறுதல் எவரும் அறியாதவண்ணம்.
குதிரைக்கு மட்டுமல்ல;
ஓட்டுபவனுக்கும்தான்.
எனவே
இவனை
குண்டுச் சட்டிக்குள் அடை.
பழுதில்லை
இப்பயணத்தில் தேவை
வேகமே; தூரம் அல்ல.
இவனைக் கூட்டுப் புழுவாக்கு
மாற்றம் பெறும்வண்ணம்.
மாற்றம் பெறும் வண்ணம்;
மாறுதல் எவரும் அறியாதவண்ணம்.
காய வாசம்
எல்லாம் உனது
என்றுணர்ந்தபோது
'வெற்றி'யின் துள்ளல் மட்டுமல்ல
'தோல்வி'யின் துவலளும் மறைந்தது.
இரண்டுமற்ற நிலையே
எல்லையில்லா ஆனந்தம்
அன்று அறிய வைத்தாய்;
இன்று உணர வைத்தாய்.
நன்றி கூறக்கூட
இன்றெனக்கு அனுமதியில்லை;
யாருக்கு யார் நன்றி கூற.
இன்னும் ஒன்று மட்டும்
மிச்சம் உள்ளது
பெருங்காய வாசனையாக
விரைவில்
'அதுவும் போய்விடும்'
உன்
அளப்பரிய கருணையினால்.
என்றுணர்ந்தபோது
'வெற்றி'யின் துள்ளல் மட்டுமல்ல
'தோல்வி'யின் துவலளும் மறைந்தது.
இரண்டுமற்ற நிலையே
எல்லையில்லா ஆனந்தம்
அன்று அறிய வைத்தாய்;
இன்று உணர வைத்தாய்.
நன்றி கூறக்கூட
இன்றெனக்கு அனுமதியில்லை;
யாருக்கு யார் நன்றி கூற.
இன்னும் ஒன்று மட்டும்
மிச்சம் உள்ளது
பெருங்காய வாசனையாக
விரைவில்
'அதுவும் போய்விடும்'
உன்
அளப்பரிய கருணையினால்.
காலக் கணக்கு
இறைவன் கொடுக்க நினைப்பதை
மனிதனால் தடுக்க முடியாது;
இறைவன் கொடுக்க மறுப்பதை
மனிதனால் எடுக்க முடியாது
பெறுவதே வெற்றியல்ல:
இழப்பதே தோல்வியல்ல.
கொடுப்பதன் மூலம் தாக்கவும்
தடுப்பதன் மூலம் காக்கவும்
அவனால் முடியும்.
எனவே
பெறுவதும் சாபம் ஆகும்;
துள்ளாதே.
இழப்பதும் வரம் ஆகும்;
துவளாதே.
மாற்றுப் போர்வைகள் சுமந்துவரும்
வெற்றிகளும் தோல்விகளும்
மாறும் மாறும் காலந்தோறும்.
காலன் மாற்றும் கணக்குகளைக்
‘கண்டு’ தெளிந்தவன்
கலங்குவதில்லை, ‘தோல்வியில்’;
கர்விப்பதில்லை, ‘வெற்றியில்’.
அவன் நெஞ்சினிலே நிறையும்
நித்திய நிம்மதி.
எல்லாப் புகழும் இறைவனுக்கே.
மனிதனால் தடுக்க முடியாது;
இறைவன் கொடுக்க மறுப்பதை
மனிதனால் எடுக்க முடியாது
பெறுவதே வெற்றியல்ல:
இழப்பதே தோல்வியல்ல.
கொடுப்பதன் மூலம் தாக்கவும்
தடுப்பதன் மூலம் காக்கவும்
அவனால் முடியும்.
எனவே
பெறுவதும் சாபம் ஆகும்;
துள்ளாதே.
இழப்பதும் வரம் ஆகும்;
துவளாதே.
மாற்றுப் போர்வைகள் சுமந்துவரும்
வெற்றிகளும் தோல்விகளும்
மாறும் மாறும் காலந்தோறும்.
காலன் மாற்றும் கணக்குகளைக்
‘கண்டு’ தெளிந்தவன்
கலங்குவதில்லை, ‘தோல்வியில்’;
கர்விப்பதில்லை, ‘வெற்றியில்’.
அவன் நெஞ்சினிலே நிறையும்
நித்திய நிம்மதி.
எல்லாப் புகழும் இறைவனுக்கே.
Subscribe to:
Posts (Atom)